A Garda Civil detivo a dous menores veciños do municipio de Burela por un roubo con forza nunha vivenda deshabitada.

Segundo informou o Instituto Armado a través dun comunicado de prensa, ás 9.30 horas do pasado martes 1 de outubro foron detidos na localidade de Burela dous menores, veciños deste municipio, como presuntos autores dun delito de roubo con forza no interior de vivenda.

POSTOS A DISPOSICIÓN DA FISCALÍA DE MENORES

Os feitos tiveron lugar o pasado día 25 de setembro, cando os presuntos autores accederon a unha casa deshabitada da que subtraeron obxectos de diferente valor. Os detidos foron postos a disposición da Fiscalía de menores, segundo indicaron as mesmas fontes.