Detidos dous barreirenses por tres roubos con forza en comercios da Mariña

Os arrestados, de 41 e 27 anos de idade, foron sorprendidos pola Garda Civil cando cometían un destes furtos

Vehículo da Garda Civil. AXM

EFE. A Garda Civil detivo a dous homes como sospeitosos de perpetrar tres roubos con forza nas cousas en establecementos comerciais da comarca da Mariña, ademais de investigalos por un suposto delito de furto.

Os dous detidos, de 41 e 27 anos de idade, ambos veciños de San Pedro de Benquerencia (Barreiros), foron sorprendidos cando supostamente acababan de perpetrar un deses roubos e, ao decatarse da presenza dos gardas, arroxaron ao chan as dúas mochilas que levaban.

Inmediatamente, os axentes procederon á súa identificación e interviñeron os obxectos que transportaban nas mochilas e dos que pretendían desentenderse ao deixalos tirados na estrada. Ambos detidos foron postos a disposición xudicial.

RESPOSTAR

Please enter your comment!
Please enter your name here