A Policía Nacional detivo en Viveiro a un veciño de Burela no marco dun dispositivo contra o tráfico de drogas. Segundo fontes do corpo policial, a detención produciuse o pasado 28 de xullo, no porto de Celeiro.
O detido foi observado “en actitude sospeitosa” dentro dun vehículo da súa propiedade, polo que, tras ser identificado e sometido a rexistro superficial, “intervéuselle unha bolsa de plástico onde portaba 7,5 gramos de cocaína distribuídos en once doses, dous gramos de heroína repartidos en tres doses e un anaco de haxix, do mesmo xeito que 40 euros en dous billetes de vinte, compatible con vendas previas de polo menos dúas doses”.
O detido foi posto o 29 de xullo a disposición xudicial, decretándose a súa posta en liberdade. Segundo concretou a Policía Nacional, persoa arrestada estaba acompañada doutro veciño de Burela, a quen se lle interveu un “porro” que estaba fumando neses momentos, polo que se lle fixo a proposta de sanción administrativa por consumo en vía pública en base á Lei Orgánica de Protección da Seguridade Cidadá 4/15.