Dúas mulleres feridas ao saír da vía un coche e bater contra un muro en Vilaframil

As ocupantes do vehículo poideron saír do mesmo polo seu propio pé, aínda que precisaron de asistencia sanitaria

N-634 ao seu paso por Vilaframil. GOOGLE MAPS

Unha saída de vía dun coche que bateu contra un muro en Vilaframil, no municipio de Ribadeo, deixou dúas mulleres feridas na mañá deste mércores, segundo concretaron fontes do Centro Integrado de Atención ás Emerxencias (CIAE) do 112 Galicia.

De acordo coas mesmas fontes, o incidente produciuse sobre as 10.15 horas, cando un particular avisou de que un turismo batera contra un muro na estrada N-634. As dúas ocupantes do vehículo poideron saír do mesmo polos seus propios medios, aínda que si precisaron de asistencia sanitaria.

O 112 Galicia deu aviso a 061-Urxencias Sanitarias, Bombeiros de Barreiros, Garda Civil de Tráfico, Policía Local e Protección Civil de Ribadeo, e ao servizo de mantemento da estrada, que requeriu de labores de limpeza e restablecemento da circulación.

RESPOSTAR

Please enter your comment!
Please enter your name here