A Garda Civil detivo na localidade lucense de Foz, a un home rumano de 35 anos de idade como suposto autor dun delito de homicidio en grado de tentativa.
Segundo expón o Instituto Armado a través dun comunicado de prensa, os feitos tiveron lugar o pasado domingo na capital municipal, cando unha terceira persoa -a exsogra- atopábase cruzando un paso de peóns e escoitou como un vehículo aceleraba, obrigándoa ás presas a ir cara á beirarrúa e provocando a súa caída ao chan, abandonando o lugar o todoterreno a gran velocidade.
A persoa detida foi posta a disposición do Xulgado de Instrución nº 2 de Viveiro. A vítima, que non necesitou asistencia médica, foi quen interpuxo a denuncia. O xuíz decretou a súa posta en liberdade comunicada e sen fianza.
