Centenares de persoas asistiron esta madrugada en Ribadeo ao sorteo de premios celebrado na praza da Fonte Nova, entre todas as persoas que consumiron na hostalería local, á que tiñan que acudir disfrazados.

Susi Álvarez foi a mestra de cerimonias. Foron sorteados 3 premios de 100 euros en metálico cada un doados polas charangas Aturuxo e A Choca. E un premio de 120 euros en metálico aportado polos locais da zona vella de Ribadeo.

No acto de entrega participaron representantes das charangas (Mar e Tochi), ademais da concelleira de Cultura, Pilar Otero, e da presidenta de Acisa, Carmen Cruzado.