A Asociación de Comerciantes, Industriais, Servizos e Autónomos de Ribadeo fixo entrega esta tarde dos 8 premios ás gañadoras e gañadores do sorteo da campaña do Día do Pai.
Trátase dun bono individual de 6 meses cortesía de BeOne, 5 ceas para 2 persoas doadas por A Horta de San Roque, O Lar de Manolo, Javier Montero, El Rincón del Gordo e A Quinta e 2 experiencias de 1 noite con almorzo para dúas persoas a escoller entre 1060 destinos, que foron doadas por Viaxes Eroski. “A todos estes establecementos e firmas desde Acisa queremos agradecerlles a súa colaboración con esta campaña”, comentou a presidenta do colectivo empresaria, Carmen Cruzado.
Katia Goyos, Sandra González, Ángeles Casas, José Álvarez, Andrés Redondo, Martina Celadilla, Amparo Loureiro e José Ramón López xa poden gozar dos seus agasallos.
Na entrega de premios participaron a presidenta e o xerente de Acisa Ribadeo, Jesús Pérez e Carmen Cruzado, así coma o CEO de BeOne e o director do seu centro deportivo en Ribadeo, Roberto Ramos e Javier Canel.
