O músico Juan Castro Lodeiro presentou esta mañá en Foz o libro “Aquí non pasa nada. Historias musicais de Lugo”, editado coa colaboración do Servizo de Publicacións da Vicepresidencia da Deputación de Lugo.
Trátase dunha publicación que recolle a historia da creación musical na cidade e nas disitntas comarcas deténdose en músicos, bandas, locais e festivais que protagonizaron a vida musical nas últimas décadas.
A presentación contou coa actuación de Sintético Fantástico, formado por musicos mariñaos como Iván Laxe do emblemático grupo Os Skornabois.
O acto forma parte dunha xira de presentacións concerto que continuará en vindeiras datas en Vilalba, Sarria, Chantada e Monforte de Lemos, dando en cada punto o protagonismo a distintos grupos locais.
