Un grupo de mergulladores da Garda Civil rescatou o corpo sen vida dunha persoa que se atopaba no interior dun coche que caeu ao mar en Viveiro.

Segundo trasladou o CIAE 112 Galicia a través da súa conta de Twitter, o operativo desenvolveuse á primeira hora da mañá deste venres.

A central de emerxencias recibiu o aviso de mans de voluntarios de Protección Civil e activou un dispositivo no que participaron, ademais da Garda Civil; os bombeiros de Viveiro, o GES de Cervo, Policía Local, Gardacostas de Galicia, Salvamento Marítimo e Urxencias Sanitarias 061.