O Concello de Xove segue coas actividades das Festas Patronais de San Bartolo. Este xoves ás 12:00 horas na Praza do Concello celebrouse unha actuación do Mago Paco co espectáculo “HOCUS POCUS”. Esta é a primeira actuación en Xove do Programa Ler Conta Moito 2023 da Rede de Bibliotecas de Galicia-Xunta de Galicia.
Para o venres día 18 de agosto, a programación é a seguinte:
-SCAPE ROOM “La maldición pirata” na OMIX. Esta actividade, dirixida a nenos/as de 2º de Primaria en diante, vaise desenvolver en 3 turnos:
-Turno de 11:00 a 12:30 horas. Xa está cuberto polos nenos/as do Programa Concilia.
-Turno de 12:30 a 14:00 horas. Xa está cuberto polos nenos/as do Programa Mañás Activas.
-Turno de 17:00 a 18:340 horas. Inda quedan 17 prazas libres, podendo inscribirse na OMIX ata o momento de comezo da actividade e ata esgotar todas as prazas.
-20:00 HORAS.- Sardiñada popular animada pola Charanga de Neda.
-Pola noite verbena coa Orquestra Saudade e o Grupo Salvajex.
EXPOSICIÓN 40 ANOS DE SAÍÑAS
O Concello de Xove inaugurou este pasado mércores a Exposición 40 Aniversario de Saiñas na Sala de Exposicións do Centro Cívico, coa cal a Asociación celebra por todo o alto estes intensos 40 anos de actividade, mostrando un pouco da súa amplísima istoria a través de fotos e un fermosísimo vestiario.
Os horarios de apertura ao público desta exposición van ser os seguintes:
-Días venres 18, sábado 19 e domingo 20 de agosto:
Pola mañá de 12:00 a 14:30 h.
Pola tarde-noite: de 19:00 a 23:00 h.
-Do luns 21 de agosto ao domingo 3 de setembro (ambos días incluídos):
Pola tarde de 17:00 a 21:00 h.
