A Plataforma Veciñal Pro Celeiro reclama ao presidente da Xunta desbloquear a situación creada entre Portos de Galicia e o Concello de Viveiro para asinar un convenio entre ambas entidades. O obxectivo do convenio reclamado á Xunta sería a execución dun proxecto de pavimentación e servizos da Rúa do Porto de Celeiro.
Esta iniciativa inclúe unha actuación na zona portuaria de cara á mellora e á mobilidade e servizos dos en Celeiro. Lémbranlle ao presidente da Xunta que os veciños deste porto “temos dereitos cidadáns que están sendo ignorados por Portos de Galicia”.
Segundo Pro Celeiro, para levar a cabo estas obras, requírese a autorización de Portos de Galicia. A plataorma sinala tamén que o Concello de Viveiro está pendente da devandita autorización desde o 8 de marzo de 2023. Ademais, apuntan a existencia dunha aportación orzamentaria de 544.000 euros por parte da Deputación de Lugo, mentres que o Concello de Viveiro asume o importe restante.
