EFE. A delegada do Goberno en Asturias, Delia Losa, asegurou este mércores que o Ministerio de Industria aprobará “dure o que dure a lexislatura” o Real Decreto que fixe o estatuto para as empresas electrointensivas, de xeito que “ningún vaivén político altere o proxecto de reflotar as plantas de Alcoa“.
Ás preguntas dos xornalistas sobre se o rexeitamento aos orzamentos e un posible adianto electoral poderían afectar ao estatuto, Losa precisou que o Ministerio pretende aprobar “por Real Decreto o maior número de medidas deste estatuto para que sexa útil para reverter” a situación de empresas como a multinacional do aluminio.
Segundo explicou o presidente do comité de empresa de Alcoa, José Manuel Gómez de la Uz, o Ministerio asegurou a Losa durante a xuntanza mantida en Oviedo que o borrador do mencionado estatuto “estará enriba da mesa a mediados do mes de marzo“.
Segundo Losa, “todas as medidas que dependan exclusivamente do Ministerio serán aprobadas por decreto o antes posible para que ningunha circunstancia política altere o proceso”.
PROTESTA
Máis dun centenar de traballadores da planta de Avilés en Alcoa concentráronse ante a sede da Delegación do Goberno en Asturias para esixir unha solución á situación das factorías de Avilés e A Coruña, ameazadas de peche.
SERIES PARADAS
Os traballadores de Alcoa na Coruña e Avilés afrontaron nas últimas horas momentos difíciles co apagado das series de electrolise.
Depois de 70 anos facendo aluminio primario ininterrumpidamente na Coruña, tan só queda a quenda desta noite para as últimas 35 Tm. Mañá paramos a Serie 2. Moi triste este momento. Ánimo e a seguir loitando para que volva a arrancar! #Alcoanonsepecha!! pic.twitter.com/QgzNyUlgPN
— TraballadorDeAlcoa (@TraballadoAlcoa) February 12, 2019
Hoy es un día triste, ACABAMOS DE PARAR LA FÁBRICA.
Si @MarotoReyes PARAR, nos vamos a la calle. Claro pero lo más importante sois vosotros.
No los trabajadores y trabajadoras.#AlcoaNoSeCierra @RebelinAluminio @pazcachero @TPAnoticias @elcomerciodigit @AdrianBarbon pic.twitter.com/lCuOS3tpgC— Alcoa no se cierra. (@Alcoanosecierra) February 13, 2019
“Xa non se fabrica máis aluminio en Avilés e é un día moi triste para todos“, lamentou De la Uz.
