A Fiscalía pide cinco anos de cárcere para un gandeiro de Ribadeo que, supostamente, intentou matar a unha veterinaria que acudía a realizar un control. O xuízo celebrarase o vindeiro 9 de maio, ás 10.00 horas.
Os feitos, segundo o escrito de acusación, producíronse ás 8.00 horas do día de Reis do 2017. A vítima, R. M. P. P., acudía á explotación gandeira para facer un control leiteiro. Nese momento, sen mediar palabra, o titular da mesa, L. J. F. G., abalanzouse sobre ela e tirouna ao chan agarrándoa con forza do pescozo, coa intención de afogala.
O irmán de L. J. F. G. tivo que intervir para separar ao acusado, que mesmo collera un pau.
MULTA DE 3.000 EUROS
O home está acusado dun delito de homicidio en tentativa e enfróntase a unha pena de cinco anos de prisión e a prohibición de aproximarse a R. M. P. P. a unha distancia inferior de 200 metros e comunicarse con ela por calquera medio durante oito anos, ademais do pago dunha indemnización de 3.000 euros polas lesións producidas.
