EFE. A menos de 24 horas de que os militantes socialistas de Lugo elixan o futuro secretario xeral do PSdeG-PSOE nesta provincia, unha das candidatas, a deputada autonómica Patricia Otero, insistiu na súa oferta de integración de ambos proxectos. A burelá confirmou que lle ofrecía ao seu rival a posibilidade de ser o número dous do partido, concretamente vicesecretario xeral.

En declaracións a Efe, Otero asegurou que Xosé Marías Arias vai “por detrás” na súa oferta de integración, dado que ela mesma foi a primeira en ofrecerlle a posibilidade de formar parte da súa executiva, primeiro como secretario de Medio Rural e logo como vicesecretario xeral.

1.800 SOCIALISTAS LUCENSES, CHAMADOS A VOTAR

Otero recoñeceu “a boa traxectoria” de Arias como alcalde de Castroverde “despois de tantos anos”, polo que, ao seu xuízo, sería “unha peza boa” para a executiva que ela espera dirixir a partir de mañá, cando voten os 1.800 militantes do partido en Lugo. Máis información en Lugo Xornal.