O Concello de Foz colocará un radar desde o vindeiro mércores, 24 de xullo, en varias rúas e accesos ao núcleo urbán.

Así o anunciou a través dun comunicado de prensa o alcalde, o socialista Fran Cajoto, que informou de que o radar non será visible e que se ubicará en distintos puntos, “primando aqueles que presentan unha maior perigosidade para a circulación”.

O ALCALDE NEGA “AFÁN RECADATORIO”

O rexedor argumenta que a medida “non é recadatoria en ningún caso, por iso queremos anunciar en todos os medios de comunicación o inicio da campaña, que se desenrolará en varios días”.

CAJOTO PIDE PRECAUCIÓN

Cajoto considera que “é necesario concienciar a tódolos veciños e visitantes que hai que respectar os límites de velocidade e as indicacións de Policía Local e Garda Civil, especialmente en datas de gran aglomeración de xente como son os meses de xullo e agosto”.

Desde o Concello apelan a extremar as medidas de precaución nas rúas e a evitar malos hábitos como o uso do teléfono móbil mentres se conduce.