A cantautora das Pontes con raíces en Bravos Sabela quitou na madrugada deste venres o primeiro single do seu novo disco, ‘Despedida‘, de título homónimo ao álbum.

“Escóitoas por derradeira vez, van voando atopar outro querer. Escoito o que canto mentras aprendo a cantar o que escoito. Dende agora, con elas, todo comeza a arder”. Así canta Sabela, en galego, no primeiro single de ‘Despedida’.

‘El paso‘, ‘Sin tu amor‘, ‘Nai‘, ‘Dame una señal‘, ‘Mi reina‘ e ‘Nazco yo‘ son as outras cancións do álbum.

Semella que con Sabela sempre hai un recuncho para A Mariña Lucense. Desta volta botou man do talento dun celebrado artista da comarca: o viveirense David Catá ocúpase da dirección artística e guion da peza audiovisual.