Unha veciña de Viveiro pagou máis de 17.000 euros por mor dunha estafa a través de Internet, coñecida como o o timo do “militar americano“.

A estafa consiste en que un falso médico do Exército estadounidense, destinado en Afganistán, ponse en contacto con outras persoas a fin de solicitarlles diñeiro para, supostamente, montar unha clínica e regularizar a súa situación en España. A vítima suscribiu préstamos por cantidades descoñecidas cunha suposta financieira.

O falso médico apropiouse dos 17.000 euros a través de varias solicitudes. No mes de xullo do 2019, cando realizou a primeira das peticións de diñeiro, outra vítima da Mariña Lucense entregoulle a un estafador máis de 15.000 euros co mesmo timo.

COMPRA DUN GATO

A Policía Nacional recibiu denuncia por outra estafa a través da rede, neste caso ao tentar mercar un gato nunha web supostamente especializada. O estafador reclamoulle máis diñeiro do inicialmente previsto para en teoría cubrir gastos sanitarios ou transporte, levando máis de 3.000 euros.