O concelleiro de cultura de Burela, José Díaz, expón que as entradas están á venta en ataquilla.com a un prezo de entre 16 e 22 euros, dependendo da zona do auditorio onde estean as localidades.

‘Quinteto acústico‘ é un espectáculo no que a banda repasa as súas raíces, a medio camiño entre o pop e o rock de raíz norteamericana. Díaz remarcou que a maioría dos concertos da xira “celebraranse en cidades” e asegurou que o Concello “tentou que os prezos fosen o máis accesibles posible”.

“A mellor maneira de desfrutar dese son tan limpo que teñen, desas guitarras, é cómodos no auditorio”, afirmou Díaz, que agardou que se esgoten as entradas para ver a un grupo “con fans de diferentes xeracións”.