O Ministerio de Industria, Comercio e Turismo enviou senllos requirimentos a Alcoa e Alu Ibérica Avilés e A Coruña solicitando información sobre a evolución da súa produción e emprego, mes a mes, desde finais de 2018, desagregada por actividades produtivas, para confirmar que cumpren os requisitos das axudas ou compensacións por emisións indirectas de CO2.
A Alcoa, ademais, preguntóuselle pola súa previsión respecto ao Expediente de Regulación de Emprego (ERE) que presentou, redución de persoal e persoal final, desagregada por actividade produtiva.
O gabinete dirixido por Reyes Maroto indicou que estes requirimentos se solicitan no marco do proceso de adxudicación da convocatoria do mecanismo de compensación de custos de emisións indirectas de gases de efecto invernadoiro correspondentes ao ano 2019 e en cumprimento da regulación destas axudas.
En concreto, Alcoa, a través da sociedade Aluminio Español, sería adxudicatario de axudas por 8,79 millóns de euros, mentres que Alu Ibérica recibiría algo máis de medio millón de euros. Toda a información no Galicia Confidencial.
