O deputado o BNG no Congreso, Néstor Rego, demandou ao Goberno central que concrete un calendario para a intervención da factoría da multinacional Alcoa en San Cibrao e así “dar cumprimento” ao acordo aprobado na Comisión de Industria da Cámara baixa.
Rego puxo o acento en que o proceso xudicial aberto no TSXG que podería carrexar a imposición de medidas cautelares sobre o expediente de regulación de emprego (ERE) presentado por Alcoa “non evitará o inminente peche da fábrica”, polo que urxe a dar pasos cara á intervención da factoría.
“O momento desa actuación chegou, a única posibilidade para salvar este sector estratéxico da economía da Galicia e do Estado e miles de postos de traballo é a intervención pública”, aseverou Rego, que advirte que a paralización das cubas deixaría unha situación “irreversible” en San Cibrao.
