EFE. Unha muller resultou ferida esta mañá nun accidente de circulación que se produciu no municipio lucense de Ribadeo, ao saírse da vía o coche no que viaxaba.

Segundo informaron a EFE fontes do Centro Integrado de Atención ás Emerxencias de Galicia (CIAE), o accidente produciuse ás 09.37 horas no lugar de Vilavella, na estrada N-642.

Un particular chamou ao 112 para avisar de que vira como un coche saiuse da estrada e, ao achegarse ao vehículo, comprobou que a súa ocupante resultara ferida no sinistro.

O 112 mobilizou aos Bombeiros de Barreiros, a Protección Civil, á Policía Local e á Garda Civil de Tráfico e a Urxencias Sanitarias-061.

Logo de recibir os primeiros auxilios no mesmo lugar do accidente, a ferida foi evacuada nunha ambulancia de Soporte Vital Básico ao Hospital Público da Mariña, en Burela. A Garda Civil solicitou, ademais, a intervención do persoal de mantemento da estrada para limpar os restos do accidente.