O Concello de Cervo emitiu un comunicado de agradecemento a todas as persoas que participaron na charla e na andaina celebrada polo Día Internacional Contra o Cancro de Mama, celebrado este pasado martes.

A concelleira Mali Méndez quere agradecer “a todos os veciños e veciñas que no día de onte se achegaron ata a Casa da Cultura para escoitar a charla e despois participaron na andaina co obxectivo de visibilizar e concienciar sobre unha enfermidade que afecta a tantas persoas”.

“Por último darlle as grazas a María Eugenia Rodríguez Barreiro, Supervisora da Unidade de Cirurxía do Hospital da Costa, que foi a encargada de impartir a charla sobre autodiagnóstico e prevención contra cancro no día de onte”.