O vindeiro luns, 21 de febreiro, conclúe o prazo para reclamar os premios de San Valentín sorteados por Acisa Ribadeo. Os afortunados ou afortunadas recibirán 3 experiencias, de 2 días de desconexión, que constan dunha noite de aloxamento e almorzo para dúas persoas, cada unha, a elixir entre 2.800 destinos nacionais.
Unha das papeletas, a 1.989, que foi entregada en Laboral San Antonio apareceu e a afortunada xa recolleu o seu premio nas instalacións de Acisa Ribadeo. Están pendentes de facerse co seu agasallo os posuidores da papeleta 4.266, entregada na Coqueta, e da 2.624, que se entregou en Boutique Valentina.
Desde Acisa subliñan que “os premios poden reclamarse ata o luns, 21 de febreiro, nas oficinas de Acisa Ribadeo de 09:30 a 14:30 na rúa San Roque 57 – baixo. E durante a fin de semana, aínda que estea pechado o noso local, poden chamar ao 672 24 82 26”. E insisten en que “ninguén tire as rifas ata o día 22 de febreiro, xa que de quedar algún premio deserto ese volveríase a sortear o martes. Tras o novo sorteo os números previos quedarán anulados”.
E engaden: “o sorteo farase da mesma forma, non presencial, e será emitido a través do facebook da asociación, con posterior comunicación dos mesmos polas nosas redes sociais e os medios de comunicación”.
