A Garda Civil de Lugo detivo a un home, de 76 anos de idade, por tratar de prostituír a unha menor de idade, de 17 anos, ao ofrecerlle diñeiro co fin de cometer o delito sexual. Os feitos foron enviados á sede xudicial para pasar a disposición.

Fontes da Garda Civil confirmaron a Europa Press que o home ofreceu “en varias ocasións” diñeiro á menor nas inmediacións dun supermercado, uns feitos que se remontan ao pasado 18 de febreiro pero que desembocaron coa acusación formal o martes, 23 de febreiro.

As mesmas fontes indicaron que o home seguiu á moza ata a súa casa e estivo “varias horas” esperando para tratar de conseguir o seu obxectivo, uns feitos polos que se investiga como un suposto delito de prostitución, explotación sexual e corrupción de menores.