Acisa felicita aos establecementos asociados que obtiveron premios no XV Ribadeo de Tapeo, celebrado do 14 ao 22 de maio. Desde Acisa sinalan “queremos felicitar a todos os gañadores do Ribadeo de Tapeo deste 2022, organizado polo Concello, en especial aos nosos asociados. O Bar Queimada levou o 2º premio do xurado e O Alén o premio á tapa de Ribadeo. Felicidades aos nosos asociados aos que animamos a seguir participando nas edicións futuras, do mesmo xeito que ao resto de locais”.
E subliñan que “o Ribadeo de Tapeo é unha actividade que dinamiza moito a hostalería local e que valoramos positivamente. Foron máis de trinta os locais participantes, que traballaron duro estes días para ofrecer a súa mellor versión. As súas propostas son unha mostra da excelencia da nosa gastronomía”.
Desde Acisa engaden que “na creación de cada tapa hai moito traballo detrás e iso tivérono en conta as persoas que ao longo destes días saborearon as tapas preparadas polos establecementos ribadenses e encheron eses locais”.
