A Garda Civil denunciou por simulación de delito a un mozo de Cervo, de 25 anos de idade, que confesou cometer un falso asasinato en Fuenlabrada para que así o aceptasen nunha banda latina.
Segundo informan fontes do Instituto Armado a Europa Press, este individuo acudiu a semana pasada ao cuartel de Burela para confesar que matara a un home na localidade madrileña.
A partir dese momento, o mozo permaneceu como investigado e a Garda Civil iniciou as súas pescudas para comprobar se, efectivamente, rexistrouse algún falecemento en Fuenlabrada que coincidise cos datos que achegara.
Como os axentes non conseguiron constatar esta morte, comezaron a presionar con preguntas ao mozo, quen acabou por confesar que mentira co suposto asasinato porque era unha condición para entrar na banda latina. Deste xeito, a Garda Civil atribúelle un delito de simulación de delito e remitiu as actuacións ao Xulgado de Instrución de Viveiro
