Dúas persoas resultaron feridas en senllos accidentes de circulación rexistrados na noite do mércores nos municipios lugueses de Ribadeo e Barreiros.

O primeiro produciuse na autovía A-8 ao seu paso por Barreiros, onde un condutor que viaxaba só precipitouse por un terraplén ao sufrir unha saída de vía ás 23,30 horas.

O segundo sinistro tivo lugar ás 02,00 horas na estrada N-634 á altura do concello lugués de Ribadeo. Alí, o piloto dun vehículo tivo que ser atendido polos profesionais sanitarios despois de atropelar un cabalo.