Poucos o esperaban cando a nominaron por primera vez na gala 1 do concurso -logo sería proposta para abandoar o concurso dúas veces máis-, pero o seu talento e a súa tenacidade convenceron a todos. A cantante das Pontes de orixe ourolesa Sabela Ramil será unha das cinco finalistas de Operación Triunfo (OT) 2018.
Igual que cando foi nominada por primeira vez, Sabela apostou de novo polo galego para xogarse un posto na final do programa e interpretou unha versión entre o tango e o fado de ‘Negro caravel‘, a peza composta por Rosa Cedrón e Cristina Pato a partir dun poema de Rosalía de Castro.
O xurado decidiu que Alba Reche se clasificase como terceira finalista do concurso, xunto a Famous e Natalia, que foron elixidos na gala 11.
A partir de entón, Sabela, Miki e Julia optaron a dous postos para a última rolda a partir da votación do público.
Sabela foi a máis votada -cun 43% do total- polos telespectadores nun accidentado escrutinio, xa que un fallo na app para votar levantou as suspicacias.
MIKI, ELIMINADO
Julia foi a quinta finalista cun 37% dos votos, mentres que a gala 12 deixou a eliminación de Miki, que colleitou o 20% do apoio dos telespectadores.
OT muestra una España más real que muchos medios informativos. Una gallega le dice a su madre: "que raro se me hace hablarte en castellano". Igual alguien ha pillado hoy aquello de la España plural.
¿Y si lo hubiera dicho una catalana? Habrían pedido el 155. #OT18Gala12 #OT pic.twitter.com/Rz5UvPqsd6— Max Pynchon (@MaxPynchon) December 12, 2018
“QUE RARO FALARCHE EN CASTELÁN”
Sabela protagonizou un dos momentos divertidos da noite cando lle dixo a Mary, súa nai, “que raro se me fai falarche en castelán”.
