O Concello colocou catro novas varandas de aceiro inoxidable en Vilaselán. O concelleiro de Medio Rural, Marcos Villamil, explicou que “foi algo que nos pediu a asociación de veciños desa parroquia. E logo de estudar diversas opcións decidiamos colocalas de aceiro inoxidable. É a mellor solución a nivel de seguridade, pola estética e tamén pola súa duración”.

O edil ribadense subliñou que “seguimos facendo nosas, do equipo de goberno, as suxestións que a veciñanza nos vai facendo chegar e traballamos para mellorar Ribadeo”. Ao lugar das obras achegáronse, para supervisar o remate dese traballo, os concelleiros de Obras e Medio Rural, Mónica Freire e Marcos Villamil.