O BNG de Viveiro apunta que algunhas paradas de autobús de Viveiro non contan con letreiro indicador nin de presenza nin de información cos destinos, horarios e prezos. Tamén sinalan as poucas paradas que contan con marquesiñas. Estas últimas foron “solicitadas reiteradamente polo BNG ano tras ano coincidindo co comezo da tempada escolar”.
O BNG de Viveiro solicitará ao pleno da corporación local a adopción dos seguintes acordos:
Colocar indicadores con información nas paradas con información dos destinos, horarios e prezos, comezando polas que teñan máis frecuencias de liñas.
Gardar unha partida dos Orzamentos Municipais 2023, ou do próximo Plan Único da Deputación se fose necesario, para a instalación de marquesiñas nas paradas priorizando as de uso escolar.
