A embarcación de Salvamento Marítimo ‘Salvamar Orión’ rescatou este venres sans e salvos aos 14 mariñeiros do barco de bandeira francesa e base e armador de Burela ‘María Reina Madre’, que rexistrou unha vía de auga a 9 millas ao norte de San Sebastián.
Segundo informou o delegado do Goberno no País Vasco, Denis Itxaso, o pesqueiro, que saíra do seu porto basee en Burela tras unha reparación, sufriu unha vía de auga fronte ás costas vascas que alagou a sala de máquinas.
O operativo posto en marcha por Salvamento Marítimo evacuou aos mariñeiros en apenas 38 minutos desde que se recibiu a chamada de alerta, ao fío das 9,00 horas, segundo dixo Denis Itxaso, que se achegou ao porto de Pasaia a recibir á tripulación. “Foi un rescate en tempo récord”, destacou.Capitanía marítima atópase nestes momentos analizando as posibilidades técnicas de remolcar o buque, xa que o vento do sur está a empuxalo a augas xurisdicionais francesas e ten unha vía de auga “seria”.
“O pesqueiro atópase moi escorado”, destacou Denis Itxaso que lembrou que o porto vasco ten dificultades para traelo a terra.Nos labores de rescate interveu a Salvamar Orion de Salvamento Marítimo, que rescatou aos 14 tripulantes cando xa se achaban na balsa salvavidas. Tamén interveu o patrulleira ‘Río Sela’ da Garda Civil e un helicóptero de Salvamento Marítimo. O María Reina Madre navega baixo bandeira francesa dado que faena en augas territoriais deste país, aínda que o seu armador e porto basee é Burela.
