Centos de mulleres da Mariña Lucense participaron este domingo en Lugo na manifestación unitaria convocada pola plataforma Galegas 8M baixo a lema ‘Por todas as mulleres, por todos os dereitos, revolta feminista‘.
Miles de persoas, 10.000 segundo os datos da Policía Local, cubriron a capital provincial de cor lila, moitas delas chegadas nun total de 30 autobuses habilitados desde todos os recunchos de Galicia.
Ademais das persoas que se achegaron a Lugo en coches particulares, tres autocares saíron da bisbarra, todos “coas prazas completas“. Os gobernos locais de Viveiro, Burela e Ribadeo financiaron os autobuses.
“Merecemos que a xente esperte, se solidarice con nós e baixe á rúa”, sinalou a voceira de Galegas 8M Ana Torrón, quen salientou que “sobran motivos para que a cidadanía se revolva”.
CONCERTO
O grupo burelao de música tradicional caboverdiana Batuko Tabanka tamén puxo sabor mariñao á celebración cunha actuación en directo que pechou o evento.
Podes ler a información completa da protesta no Galicia Confidencial.
