InicioPolíticaFran Cajoto supera a Castiñeira e o BNG ten a chave do...

Fran Cajoto supera a Castiñeira e o BNG ten a chave do goberno en Foz

O PSOE pasa de tres a sete edís, o PP quita seis e o Bloque pode ser decisivo con tres actas, mentres que FPF perde a metade dos votos acadados no 2015

Publicada o

- Advertisement -

A aposta do PSdeG-PSOE polo inxeñeiro de camiños de 35 anos Fran Cajoto resultou gañadora e o partido socialista foi a lista máis votada nas eleccións municipais de Foz.

A formación socialista obtén sete representantes na corporación municipal –partía con tres– despois de acadar 2.304 votos (890 máis ca no 2015), o 38,94% do escrutinio.

O Partido Popular (PP), cuxa candidatura encabezou o rexedor Javier Castiñeira, perde o mando do Concello despois de obter o respaldo de 1.922 focegos, 211 sufraxios menos ca nos anteriores comicios. Deste xeito, os conservadores perden as eleccións malia conseguir un edil máis, dado que o municipio contará neste 2019 con catro representantes máis (17) na corporación dos que tiña ata agora.

O BNG de Francisco Javier Fanego perde apoios -pasa de 977 a 931-, pero en cambio gaña un concelleiro, co que suma tres e pode ser chave para formar goberno.

FPF

O partido que padeceu un maior retroceso no respaldo popular foi Foz Plataforma de Futuro (FPF). O partido independente, encabezado por Luis Alfonso Sixto Legaspi e formado a partir dunha escisión do PSOE, entrou con forza na política municipal con tres concelleiros en 2015. Desta volta quita un, logo de perder case a metade dos votos colleitados daquela; tiña 1.090 e pasa a 547. Semella que a candidatura de Cajoto foi capaz de recuperar para os socialistas a confianza de moitos dos que votaron a FPF en 2015.

CXG

Por último, Compromiso por Galicia (CxG), con Damián Sánchez como líder da candidatura, obtivo 156 sufraxios, insuficientes para acadar un concelleiro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...