A coalición entre PSdG-PSOE e BNG volve sumar para revalidar o goberno no Valadouro. Dos socios de goberno durante a última lexislatura, semella que os nacionalistas saíron mellor parados do pacto.
Os socialistas, cuxa candidatura liderou Edmundo Maseda, reducen o seu apoio electoral pasando de cinco a catro edís -de 628 a 490 votos- mentras que os nacionalistas logran dúas actas, unha máis que nos pasados comicios. O BNG, encabezado por Eduardo Chao, subiu de 187 a 224 sufraxios, un aumento que lle serve para acadar unha acta máis.
O Partido Popular de José Luis Lamela tamén perde peso na futura corporación municipal, na que terá catro edís fronte aos cinco da pasada lexislatura (pasa de 608 votos a 426).
A Unión Independente do Val (UDIVAL), que non se presentou ás pasadas eleccións, volve ao mapa politico do Valadouro cunha concelleira, María José Fernández. O partido independente confirma o seu tirón con 210 sufraxios.
