O sorteo da Bonoloto correspondente a este mércores, 2 de outubro, celebrado en Madrid, deixou dous acertantes de segunda categoría, un deles en Burela, que percibirá un total de 85.360 euros.

A combinación gañadora foi a seguinte: 3, 12, 23, 19, 20 e 36. O número complementario foi o 39, e o reintegro o 0.

Os gañadores do premio de segunda categoría deberon acertar cinco números da combinación e mailo complementario.

Os acertantes de terceira categoría, de cinco números da combinación, levarán un total de 1.016 euros. Houbo 84 premiados.

BOTE ACUMULADO

Loterías y Apuestas del Estado expón que, dado que non houbo acertantes de primeira categoría, de haber algún no vindeiro sorteo podería gañar 800.000 euros do bote xerado.