Despois de padecer a forza da borrasca Elsa, que deixou en Viveiro ventos superiores aos 138 quilómetros por hora (km/h), Galicia recibirá desde o sábado a Fabien, outro vento de temporal, mar e chuvia que activará a alerta vermella (risco extremo) no litoral.

En principio, na Mariña Lucense activarase o aviso laranxa, o de segundo grao de perigosidade, pero o prognóstico podería cambiar ao longo da xornada do venres. Segundo a Axencia Estatal de Meteoroloxía (Aemet), na Coruña e Pontevedra agárdanse ondas de ata nove metros, na bisbarra espéranse ventos do oeste ou suroeste de forza 8 ou 9 e mar combinado do oeste con ondas de ata sete metros.

Mañá diremos adeus a Elsa, #borrascaElsa, pero o sábado chegará Fabien, #borrascaFabien, que vén con “malas intencións”
📢 avisos para o sábado 👉 https://t.co/noOiNAEMvz pic.twitter.com/stWEI2dLJy

— AEMET_Galicia (@AEMET_Galicia) December 19, 2019

Tamén se activará a alerta laranxa por ventos, con refachos que poderían alcanzar os 100 km/h. O temporal costeiro e de aire deixaráse notar desde as primeiras horas da mañá; na madrugada do sábado manteranse activos senllos avisos de nivel amarelo, o de menor incidencia.