Os 93 usuarios da residencia Santa María do Valadouro deron negativo nos tests de coronavirus aos que foron sometidos o pasado sábado, segundo concretan fontes da Fundación San Rosendo. As análises documentaron tamén 37 negativos entre o persoal, con outros cinco traballadores do xeriátrico á espera de recibir os resultados.
O reconto oficial do Servizo Galego de Saúde (Sergas) contabiliza dúas novas altas na vivenda comunitaria privada Mirador del Eo, de Ribadeo, co que o número de usuarios infectados pasa de tres a un. Seguen polo de agora tres residentes con positivo na residencia de Cervo, onde se documentou tamén un caso entre as traballadoras.
Finalmente, permanece afectado pola doenza un residente da residencia Betania e dous traballadores no xeriátrico de Burela.
