Os casos activos de coronavirus no municipio de Burela, epicentro do brote de Covid-19 na comarca lucense da Mariña, sitúanse este venres en 97, seis menos que este xoves, polo que esta localidade leva xa tres días sen detectar novos positivos. Así o informou o alcalde, Alfredo Llano, quen destacou a “descendencia” da pandemia na localidade nos últimos días. “Estamos contentos de que vaia así”, expresou.

Ademais, Llano espera que”a principios da semana que vén se poida tomar a decisión de abrir Burela” –único municipio da Mariña que continúa pechado perimetralmente polo brote– e “normalizar a situación”. Para iso, asegurou, “está a traballarse ben”.

Neste sentido, destacou que ao longo deste venres fixéronse no municipio 180 test rápidos e “todos deron negativo”. Podes consultar a información completa no Galicia Confidencial.