InicioDeportesA porteira Sandra Buzón, primeira fichaxe do Pescados Rubén Burela

A porteira Sandra Buzón, primeira fichaxe do Pescados Rubén Burela

A cancerbeira cántabra, de 23 anos, procede do Leganés e substituirá a Ana Romero

Publicada o

- Advertisement -

A porteira Sandra Buzón Camus (Santander, 1996) é a primeira fichaxe confirmada polo Pescados Rubén Burela FSF de cara á vindeira tempada, na que compartirá responsabilidades coa hispano-brasileira Jozi. A meta cántabra defendeu a rede do Leganés nos tres últimos exercicios.

“Espero conseguir a miña mellor versión, tanto a nivel físico coma a nivel táctico e, unha vez conseguidos eses dous propósitos, axudar o equipo a manter a liña de triunfos que o caracterizan”, así de emocionada se amosaba a nova 4 laranxa, que recala na Mariña para seguir medrando: “o que me atraeu de xogar en Pescados Rubén Burela FSF foi a súa profesionalidade e a súa esixencia. Precisaba saír da miña zona de confort e asumir novos retos para seguir medrando no persoal e no deportivo. Creo que este é o club idóneo para conseguilo”, explicaba Sandra Buzón.

“A primeira impresión sobre esta nova localidade superou as miñas expectativas, aínda que tamén é certo que despois de tres anos vivindo en Madrid o cambio é importante e supoño que ao longo dos primeiros meses o vou notar”, valoraba a porteira de 23 anos, formada no FSF Guarnizo e Rácing Féminas e que defendeu tamén o Tecuni Bilbo (2014-16) e FSF Rioja (2016-17) antes do Leganés.

“Creo que este parón nas nosas vidas ensinounos a gozar con máis intensidade de todas as cousas que nos gustan e que botamos de menos todos estes meses. Volve o futsal e con el unha nova tempada chea de ilusións e retos que espero que compartamos xuntos”, reflexionaba a nova cara laranxa dirixíndose á Bancada Laranxa a tan só seis días de estrear a pretempada en Vista Alegre.

BEA, LARA E DANY CONTINÚAN; MARCHAN ANA ROMERO, LUCI E LORES

O Pescados Rubén Burela FSF confirmou ao longo dos últimos días a continuidade de futbolistas importantes como a pivote Dany, a capitá Bea Mateos ou a á mariñá Lara Balseiro. Non seguirán, segundo certificou a entidade laranxa, Ana Romero, Luci e Jenny Lores. A Primeira División feminina comezará o 5 de setembro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...