O número de casos de coronavirus na provincia de Lugo ascende a 651, 45 máis ca onte, segundo a última actualización. Nas últimas 24 horas localizáronse 64 positivos novos por PCR.
Os municipios de Viveiro e Burela seguen na alerta de nivel 1, o primeiro por entre 14 e 28 casos nas últimas dúas semanas e o segundo por alomenos sete contaxios nos últimos sete días.
Dos 651 contaxiados, 27 permanecen ingresados, un deles no Hospital Público da Mariña. O centro hospitalario de Monforte coida un paciente Covid-19, por outro do Polusa. Vinte e dous doentes fican no HULA, entre eles os dous de coidados intensivos da área lucense.
No histórico da provincia producíronse 92 falecementos, déronse 3.173 altas e 3.916 contaxios desde o inicio da pandemia.
No tocante ás residencias, na Mariña súmase un novo positivo, o dun traballador no xeriátrico de Cervo.
MAIORES
13 Residencia DomusVi Lugo (Outeiro de Rei)
TRABALLADORES
1 Residencia de maiores de Burela
2 Residencia Castro Ribeiras do Lea
1 Residencia San Cibrao (Cervo)
1 Residencia Albertia Lugo
1 Residencia Orpea Lugo (Lugo)
1 San Rafael (Mondoñedo)
1 Residencia Hogar San José (Monforte de Lemos)
2 Residencia O Incio
11 Residencia DomusVi Lugo (Outeiro de Rei)
1 Residencia DomusVi Viveiro
DISCAPACIDADE
USUARIOS
16 Residencia Domusvi Bóveda
TRABALLADORES
14 Residencia Domusvi Bóveda
1 Residencia San Vicente de Paúl (Lugo)
860 FALECEMENTOS EN GALICIA
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 6.431, deles 1.122 son da área da Coruña, 651 da de Lugo, 1.299 da de Ourense, 639 da de Pontevedra, 1.186 da área de Vigo, 1.089 da de Santiago, e 445 da de Ferrol.
Do total de pacientes positivos, 49 están en Uci, 371 en unidades de hospitalización e 6.011 no domicilio. Polo de agora, en Galicia hai un total de 25.315 persoas curadas, rexistrándose 860 falecementos. O número de PCR realizadas é de 633.494.
