O Consello da Xunta de Galicia aprobou unha axuda de 153.000 euros ás Hermanas
Hijas de la Caridad San Vicente de Paúl, que xestionan o centro de discapacidade de
San Pablo e San Lázaro de Mondoñedo. Trátase dun convenio que se encadra dentro
dun conxunto de compensacións que o Goberno galego achega ás entidades non
federadas pola actualización do convenio colectivo de centros de atención á
discapacidade.
Deste xeito, aprobaranse acordos con dez colectivos por unha contía total de 950.000
euros coa finalidade de axudalos economicamente e garantir as condicións laborais
dos seus traballadores.
Hai dous anos, cando se fixo efectiva a actualización do convenio colectivo, a Xunta
aprobou un rescate de 4 millóns de euros destinado ás entidades federadas. “Con estes novos acordos, o Goberno galego axuda tamén aos dez colectivos que, por non estar
en incorporados a ningunha das grandes federacións, non puideron acceder a estes fondos”, apunta o Goberno galego.
AXENCIAS
