InicioCentralO Tribunal Supremo dálle outro pau a Alcoa

O Tribunal Supremo dálle outro pau a Alcoa

Inadmite o recurso que presentou a multinacional contra as medidas cautelares que no seu día impuxo a xustiza para evitar que parase a actividade na planta de Cervo.

Publicada o

- Advertisement -

O Tribunal Supremo inadmitiu o recurso que presentou Alcoa contra as medidas cautelares que no seu día impuxo a xustiza para evitar que a multinacional parase a actividade na planta de Cervo.

Deste xeito, aquela decisión faise firme, aínda que, como explica a avogada de CC.OO. María Veiga, “os efectos prácticos” desta medida son “poucos”, tendo en conta que o expediente de regulación foi despois tombado polos xuíces.

En calquera caso, a letrada, que recibiu a notificación da sentenza este mesmo martes, valora esta inadmisión, que o persoal recibe mentres se atopa á espera do pronunciamento do Supremo sobre o recurso que tamén interpuxo Alcoa contra a sentenza que anulou o ERE.

Neste escenario, os traballadores tamén esperan noticias en relación coa reunión que mantiveron o presidente da compañía e a ministra de Industria.

Segundo o Goberno, o representante da firma, Roy Harvey, comprometeuse a dar unha resposta á proposta que lle expuxo a titular do ministerio, Reyes Maroto.

A última formulación de Industria prescinde da participación da SEPI na operación (a sociedade estatal de participacións industriais), condición que para Alcoa continúa sendo imprescindible.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...