InicioCentralA mindoniense Elena Candia volverá ser, agás sorpresa, presidenta do PP de...

A mindoniense Elena Candia volverá ser, agás sorpresa, presidenta do PP de Lugo

Publicada o

- Advertisement -

A mindoniense Elena Candia volverá ser, agás sorpresa, presidente do PP da Provincia de Lugo. Así o vén de comunicar a formación popular logo dunha reunión na que os populares da Deputación apoiaron “masivamente” o aval da política natural de Mondoñedo, cabeza de lista por Lugo no Parlamento de Galicia e número un do partido da provincia dende 2016.

Javier Castiñeira, voceiro provincial, foi o encargado de facer público o apoio da formación a Candia. “Démoslle o noso apoio a quen liderou este Grupo durante anos, que chegou a ser presidenta da Deputación, que coñece as necesidades dos lucenses e que ten un proxecto para a provincia”, apuntou antes de subliñar que a candidata se ve “fortalecida”: “Da man de Elena Candia estamos tamén preparados para a Deputación, que tamén merece un goberno do Partido Popular”, manifestou.

O PP revalida así a aposta por Candia para recuperar os concellos perdidos nas últimas municipais. Neste aspecto, auguran que será “unha etapa moi frutífera para a provincia”; de aí que a mindoniense recibira o apoio de alcaldes como o de Friol, José Ángel Santos; Outeiro de Rei, José Pardo Lombao; Folgoso do Courel, Lola Castro; As Nogais,  Jesús Núñez; Castro de Rei, Francisco Balado; Palas de Rei, Pablo Taboada; e O Vicedo, Jesús Novo. Á parte está o apoio do propio voceiro do PP na Deputación, Javier Castiñeira.

Dende a formación engaden que “tanto Candia como os candidatos que decidan dar un paso adiante, se así fose o caso, teñen de prazo para presentar os  seus avais ata o 4 de agosto”. “Ao día seguinte, 5 de agosto, será a proclamación das candidaturas presentadas, tal e como rexe o regulamento do 18 Congreso Provincial do PP de Lugo, fixado para o 19 de setembro”, engaden.

ESTAMPADO DE LEOPARDO

Candia saltou aos titulares de distintos xornais estatais logo de ter acudido a unha sesión da Deputación de Lugo ataviada cun estampado de leopardo, o que lle valeu comentarios críticos da man do presidente provincial, José Tomé. O PP respondeu á intervención de Tomé engadindo outro estampado de leopardo ao seu logotipo, feito que coincidiu con varias deputadas do PP acudindo aos plenos con vestimentas similares.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...