A Xunta destina 468.600 euros para financiar obras de abstecemento e saneamento na Mariña. En total financiaranse 12 obras, oito delas actuacións para o funcionamento óptimo dos sistemas de abastecemento municipal e catro axudas para a modernización e aumento da eficiencia e eficacia das instalacións de saneamento e depuración existentes.
Os concellos de Alfoz, Barreiros, Cervo, Lourenzá, Ourol, A Pontenova, O Valadouro, O Vicedo e Xove veranse beneficiados con esta achega, o que significa un aumento por parte da Consellería de Infraestruturas e Mobilidade do orzamento desta liña de axudas. O investivemento inicial contaba con 5 concellos beneficiarios, aos que se sumaron outros catro.
O delegado territorial da Xunta, Javier Arias subliñou que esta iniciativa está dirixida aos concellos de menos de 5.000 habitantes, e “significa un importante apoio para os municipios máis pequenos, para estender e mellorar os servizos básicos de auga no rural”. O límite máximo das achegas é de 50.000 euros por actuación, sendo compatibles as dúas liñas ás que se destinan, así como con outro tipo de axudas.
No conxunto da provincia de Lugo, a Xunta destinou 2.124.500 euros, que cubrirán 52 obras en 37 municipios. En canto a Augas de Galicia, esta destina preto de 9 millóns de euros a 217 actuacións en 152 municipios.