O mel Ouro Puro, de Alfoz, logrou unha medalla de ouro nos premios London Honey Awards, o que supón un importante recoñecemento a nivel mundial. Así o comentou o responsable de Ouro Puro, Iván Marrube, que se amosou moi satisfeito con esta distinción que conseguiron na categoría de mel en packaging.
Esta é a primeira ver que se presentan a este certame de gran repercusión a nivel mundial. Marrube destaca que “seguramente é o premio de mel máis importante a nivel mundial, no que conceden distincións aos que teñen uns esixentes estándares de calidade”.
Nestres premios O poder das flores, de Carballido, e Mari Fe, de O Valadouro, tamén conseguiron medallas de ouro o que supón “un recollecemento moi grande ao mel de Galicia”, explica Marrube.
O mel de Ouro Puro de Alfoz xa fora elixido o mellor de Galicia na categoría de monofloral na XIX Cata dos Meles organizada pola Consellería de Medio Rural e a Indicación Xeográfica Protexida Mel de Galicia en decembro do ano pasado.
