Dende as aldeas máis pequenas ata os núcleos máis poboados do concello de Alfoz terán fibra óptica. A operadora Adamo xa comezou a instalar Internet de 1.000 MB no Concello, “a fibra óptica máis rápida que se encontra dispoñible hoxe en día no mercado”, segundo afirma a provedora. A fibra óptica satisfará a demanda actual a unha conexión a Internet de calidade.
Actualmente a sinal só chega a poucas vivendas, pero nas vindeiras semanas a compañía estenderá a rede polas nove parroquias de Alfoz, sen esquecerse das aldeas con menos habitantes, como Castro de Ouro, que conta con 19, ou Reirado, onde viven 44 veciños. En total, 1650 poboadores poderán ter nos seus fogares a fibra óptica.
Para toda a instalación, Adamo conta coa colaboración das autoridades locais, como o alcalde, Jorge Val, que participou na presentación do servizo que proporciona a compañía. En dita reunión tamén participaron representantes das diferentes parroquias.
Coa chegada da fibra óptica a alfoz, Adamo reforza a súa presenza na provincia de Lugo, onde xa subministra sinal de internet a 50.000 fogares, especialmente na zona da Mariña, como so concellos de Begonte, Cervo, A Fonsagrada, Xove, Barreiros, Lourenzá e Foz. Este crecemento apóiase e parte polas subvencións do Programa de Banda Ancha de Nova Xeración (PEBA). Do presuposto que o ministerio de Asuntos Económicos e Transformación Dixital adxudicou a Adamo, máis de 5,8 millóns están destinados á instalación da fibra óptica en Lugo, como apunta a empresa.
