Dirixida a un público familiar e infantil a partir de catro anos.” Cartoóns” é unha peza teatral de Producións Teatrais Excéntricas que ten como protagonistas a dous “clowns” (pallasos).
Os clowns, que teñen algo de debuxo animado (cartoons) no seu modo paródico e eficaz de comportarse, viven rodeados de cartóns, nun mundo de cartóns, esa materia valiosa como é o cartón, que nós, inexplicablemente, tiramos ao lixo diariamente.
Desta maneira, o cartón serviralles para construír tubaxes de gas, cortinas nas xanelas, revisteros, bandexas, edredones, motos, parasol de praia, avións… en definitiva, todo o que o común da xente vai adquirir a unha coñecida multinacional sueca.
Este espectáculo é un vehículo de valores como a colaboración, o traballo colectivo, a solidariedade, a consciencia ecolóxica, a empatía social e a autosuficiencia. A arte poética de converter o refugallo en bens de uso, tamén incide nas tres famosas ” R” do ecoloxismo: reducir, reutilizar e reciclar.
NOVOS HORARIOS DA OFICINA TURÍSTICA
