O Concello de Alfoz organiza este vindeiro sábado 23 de outubro a primeira visita didáctica de Arte e Historia deste 2021. Será ás 18:00h 

Esta actividade está incluída nos programas da Área de Turismo Municipal e incluídas no Plan Único da Deputación Provincial.

Nesta ocasión o lugar elixido é Finca Galea onde, centrándose no muíño con batán incluído, tamén se coñecerá a importancia da industria téxtil de Alfoz no s. XVIII da man de Dolores Barral, profesora de Historia da Arte da USC.

É necesaria INSCRICIÓN PREVIA no teléfono 982 558 001 (ext.3) ou na Oficina de Rexistro da Casa do Concello desde o 13 ao 22 de outubro. Prazas limitadas. Actividade de balde. Máis información no mesmo teléfono na extensión 2.