A plataforma de veciños contraria á hidroeléctrica do Xistral sinala que o Concello de Alfoz presentou alegacións fóra de prazo

Impacto da Central Hidroeléctrica Reversible XISTRAL na Serra do Xistral

A Plataforma de Veciños Afectados pola Macrocentral Hidroeléctrica do Xistral, vimos de constatar que o concello de Alfoz presentou a súa alegación como órgano consultado fóra de prazo.

Desde a asociación veciñal sinalan que “segundo os documentos publicados na súa web, con data 26 de febreiro rexístran no concello a apertura do período de consultas para para o procedemento de evaluación de impacto ambiental do proxecto “20210509 / Central Hidroeléctrica Reversible “Xistral” de 936 Mwe, ubicada en los términos municipales de O Valadouro, Ourol, Alfoz, Cervo y Xove, provincia de Lugo.”, otorgando un prazo de 20 días hábiles para a súa contestación”.

A Plataforma engade que cos datos que “o último día para presentar alegacións sería o 23-02- 2022, e os documentos que colgan na páxina web están asinados do día 24-02-2022, polo tanto, presentados fóra de prazo”.

Segundo a asociación veciñal acusa ao Concello de Alfoz de “deixadez e despreocupación do goberno do concello de Alfoz en canto o anteproxecto de central hidroeléctrica reversible proxectado no noso Val e que afecta a os nosos veciños”.

“Tamén lamentamos que a oposición non estivese ao tanto disto para que a alegación entrase en prazo”. A plataforma declara tamén que aproveitará os últimos días para presentar as alegacións correspondentes.

Ademais disto, durante os próximos días  procederán a recollida de sinaturas, tanto en papel como en Change.org, para presentalas esta fin de semana ante o Ministerio para “amosar o apoio recibido pola veciñanza en contra deste anteproxecto”.

RESPOSTAR

Please enter your comment!
Please enter your name here