A Casa da Cultura de Alfoz acollerá este venres, 20 de maio, ás 19:00h, unha charla informativa aberta ao público en xeral para dar a coñecer as numerosas liñas de axuda para a mellora enerxética de vivendas: cerramentos, envolventes, cubertas, sistemas de calefacción e auga quente, etc. así como para rehabilitación de vivendas.
Será impartida por técnicos que explicarán as distintas posibilidades, así como os requisitos, importes, procesos de solicitude e bonificacións fiscais.
O Concello de Alfoz considera fundamental dar a coñecer as posibilidades de financiamento para poder mellorar as vivendas, así como os beneficios que suporá facer estes investimentos tanto no aforro enerxético e económico coma no confort para os seus moradores.